Kompleks Banimi

Ky komleks banimi është projektuar, për të organizuar dhe krijuar një harmoni të mire mes shumë hapësirave të përbashkëta publike, argëtuese, socializimi mes banorëve të rinj dhe ekzistues të zonës, hapësirave të gjelbërta, rekreative, shërbimeve dhe hapësirave private të banimit. Ndërthurja e mirë e tyre, si nevojë e domosdoshme për këtë tipologji zhvillimi, interpretohet si në vendosjen dhe trajtimin e godinave midis tyre në zonë, po ashtu dhe në dizajnin dhe materialet e përdorura në fasadë, hapësirat e shërbimeve, dyshemenë publike, trajtimin e hapësirave të lojës e të gjelbërta.

Objektet kanë një vendosje të favorshme në zonë, me qëllim që apartamentet të jenë të orjentuara nga  lindja, perëndimi, e në shumë raste nga të dyja anët,në momentet e ndryshme të ditës, për një diellëzim, ndricim dhe ventilim optimal të banesës; duke evituar kështu fasada të gjata të orjentuara vetëm nga veriu.

Krijimi I oborreve të mëdha, gjysëm të brendshëm dhe me formë lineare, krijon mundësinë e organizimit të tyre me një seri aktivitetesh  përgjatë fasadave të shërbimeve nga të dyja anët e hapësirës, duke e bërë atë shumë komplekse dhe argëtuese për të gjitha moshat.

Objektet do të kenë fasa të veshura me tulle gri të erët në pjesën e tyre të jashtme dhe gri të celët në fasadat e oborreve gjysëm të brendshme, për të pasqyruar më tepër dritë mes tyre.

Apartamentet e banimit, organizojnë hapësirën, në shumë-llojshmëri versionesh, si në dimensione ashtu dhe orjentime, për t’ju përshtatur sa më mire të gjitha tipologjive të individëve dhe karkateristikave shoqërore të ndryshme.